يا سمو الشيخ مدري يا الامير = الله ايغربل سموك وش بقا
لا تقول امواطن وملعون صير=كلنا في تسعة اشهر وشققا
لقمه المحتاج في فم البعير=والميانه طايحه بين اصدقا
كيف ما ياخذك تأنيب الضمير=وش تبي في عيشت اثنين امحقا
ما كفاك الجاه والمال الكثير=والاماره وبتعادي في نقا
جيتني في مملكه ساره خشير=وانت خابر حكمها حكم اعشقا
دولتن فيها البطل حاكم واسير=ما تبي مركز اماره ورفقا
ترسل اشعارك ومندوبك وزير=والختم رسمي على الظرف ارتقا
يا طويل العمر وش يمكن يصير=لو بقول ان الشعر منك وقا
والرحاه اللي تلف وتستدير=حبها مطحون برحب والبقا
في ذرا الموضه سحابتكم تسير=تبرق وترعد وماها ما سقا
وش يجيبك للشهيق وللزفير=مهمل(ن)نازل ومسحوب(ن)رقا
الشعر للي يعاني والفقير=وانت وش عندك معاناة وشقا
لا توجّد وانت الك مال(ن)وفير=كل ما ضاقت تسافر للنقا
ولا تغّزل في هوا ريم وعبير=كل بنت(ن)ترتجي منك لقا
ودام حضك يا سموه بلف خير=اترك لسداح فرصه لا هقا
لا تقول امواطن وملعون صير=كلنا في تسعة اشهر وشققا