قصيدة يا بلير للشاعر منصور الغازي

يا بلير حالك وش علامه عطايب = وانته رفيقك بوش والغرب اخوها
قوميه الخطه وسم القرايب = انهت مصالح لقمتن تقسموها
بوش الابن جدد لعين الصلايب = وانت الوزاره خدمتك يتهموها
يابلير علم بوش ويش انت جايب = برقيه الغازي لكم فسروها
اخذ الرساله ونتحل دور نايب = ورجع وشاور صاحبك وحسموها
انا ملكت النفظ ياهل الحرايب = اخلاقكم مع حضرتي حسنوها
ونكان لا بالله مانيب هايب = شبو معايه حربكم وشعلوها
ارهاب ونتربول وسلوب عايب = نفس الحيّل ياللي خسأتو ضعوها
هاتو من الماريز عشرة كتايب = وامن التحالف مثلها ودمجوها
انا معي ما في شي(ن) غصايب = لو هي على خطة جنيف امسحوها
ما كل عيد الكم ضحية نهايب = ولا كل هامه لا اعتلت تشنقوها
تبقى الجروح اقصاص مخطي وصايب = وسياسة الفيتو بعد وفروها
ولو هي وزيرتكم تجي لسّبايب = برفض لقائها وامتنع علموهااا
واكتب على كل الصحف حظ خايب = شوفوا ملامح عنزكم واحلبوها
النفط عندي جابه الله وهايب = عين(ن) تفيض امن الذهب كل ابوها
بس الجديد امن الخبر والغرايب = انكم بعد للحين ما حستموها
من فوقها ربي وفي سد شايب = حتى حكومتها مهم يملكوها
لنه ماهو بيب(ن) على القاع سايب = النفط اسماء لا مشت راقبوها
شوفو حقل توت الشفايا سكايب = الريق خام ونسبته ثمنوها
والهيكل اللي لا قفته الهبايب = تسوى الحقول اللي لكم تحرسوها
ثامن عجب يحسب لسبع العجايب = فا البيت الابيض صورته علقوها
يا كونداليزا رايز ام المصايب = الشرق الاوسط كلمتك يحسبوها
حطي مع الأنسان حق الحبايب = نفس الشروط الصارمه وبرموها
اللي يخون البنت يدفع ضرايب = واللي تخون ابحبها حاكموها
اما شباب ابلا دراهم وتايب = والا البنّي كل العنابر املوها
والفاتنه ام الدلع والذوايب = لو هي تقصر في هوايه دعوها
اهي السياسه والدول والركايب = وانا اللجوء اللي زبنت اعذروها
وكان العزاوي يبعد(ن) الطلايب = انا ولد مشيب واهي بنت ابوها